افسر صدیقی امروہوی کا مختصر تعارف، حالات زندگی Afsar Siddiqui Amrohi A Famous Urdu Poetess

افسر صدیقی امروہوی

(1896–1984)

افسر صدیقی امروہوی (پیدائش: 

9 دسمبر، 1896ء - وفات: 9 فروری، 1984ء) پاکستان سے تعلق رکھنے والے اردو کے ممتاز شاعر، محقق، مترجم اور صحافی تھے۔

افسر صدیقی امروہوی 3 رجب، 1314ھ بمطابق 9 دسمبر، 1896ء بروز بدھ کو امروہہ، اترپردیش، برطانوی ہندوستان میں پیدا ہوئے. ان کے جدِ اعلیٰ نوازش علی عرف نوازی صدیقی 1713ء میں دہلی سے امروہہ آئے اور یہاں مستقل سکونت اختیار کی۔ افسر کے والد کا نام شمس الدین تھا۔ میر فضل حسین سعید امروہوی سے تعلیم کی ابتدا کی۔ مختلف اساتذہ سے اردو اور فارسی کی تعلیم حاصل کرنے کے بعد اردو مڈل، اردو ٹریننگ اور ہندی مڈل کے امتحانات پاس کئے۔ فارسی، سندھی، انگریزی اور پنجابی زبانیں حسبِ ضرورت جانتے تھے۔ وہ شاعری میں مضطر خیرآبادی اور شوق قدوائی لکھنوی کے شاگرد تھے۔ 1927ء میں کراچی، پاکستان منتقل ہو گئے اور تا عمر اسی شہر میں بسر کی۔ 1962ء میں انجمن ترقی اردو پاکستان سے وابستہ ہوئے اور قلمی کتابوں کی تفصیلی فہرست کی تیاری پر معمور ہوئے۔ انہوں نے 1935ء کے لگ بھگ کراچی سے ماہنامہ تنویر جاری کیا جس نے کئی موضوعات پر خاص نمبر شائع کیے۔

 افسر صدیقی امروہوی 9 فروری، 1984ء کو کراچی، پاکستان میں وفات پا گئے۔ وہ کراچی میں سخی حسن کے قبرستان میں آسودۂ خاک ہیں.

امیر مینائی کا مختصر تعارف Amir menai A Famous Urdu Poetess ghazal

امیر مینائی 

پیداش: 1828ء

وفات: 1900ء

شاعر ۔ ادیب ، امیر احمد نام مولوی کرم محمد کے بیٹے اور مخدوم شاہ مینا کے خاندان سے تھے۔ لکھنؤ میں پیداہوئے درسی کتب مفتی سعد اللہ اور ان کے ہمعصر علمائے فرنگی محل سے پڑھیں۔ خاندان صابریہ چشتیہ کے سجادہ نشین حضرت امیر شاہ سے بیعت تھی۔ شاعری میں اسیر لکھنوی کے شاگرد ہوئے ۔ 1852ء میں نواب واجد علی شاہ کے دربار میں رسائی ہوئی اور حسب الحکم دو کتابیں شاد سلطان اور ہدایت السلطان تصنیف کیں۔ 1857ء کے بعد نواب یوسف علی خاں کی دعوت پر رامپور گئے۔ ان کے فرزند نواب کلب علی خاں نے اُن کو اپنا استاد بنایا۔ نواب صاحب کے انتقال کے بعد رامپور چھوڑنا پڑا۔ 1900 میں حیدرآباد گئے وہاں کچھ دن قیام کیا تھا۔ کہ بیمار ہوگئے۔ اور وہیں انتقال کیا۔

متعدد کتابوں کے مصنف تھے ۔ ایک دیوان غیرت بہارستان ، 1857ء کے ہنگامے میں ضائع ہوا۔ موجودہ تصانیف میں دو عاشقانہ دیوان مراۃ الغیب ، صنم خانہ عشق اور ایک نعتیہ دیوان محمد خاتم النبین ہے۔ دو مثنویاں نور تجلی اور ابرکرم ہیں۔ ذکرشاہ انبیا بصورت مسدس مولود شریف ہے۔ صبح ازل آنحضرت کی ولادت اور شام ابد وفات کے بیان میں ہے۔ چھ واسوختوں کاایک مجموعہ بھی ہے۔ نثری تصانیف میں انتخاب یادگار شعرائے رامپور کا تذکرہ ہے، جو نواب کلب علی خان کے ایما پر 1890ء میں لکھا گیا۔ لغات کی تین کتابیں ہیں۔ سرمہ بصیرت ان فارسی عربی الفاظ کی فرہنگ ہے جو اردو میں غلط مستعمل ہیں۔ بہار ہند ایک مختصر نعت ہے۔ سب سے بڑا کارنامہ امیر اللغات ہے اس کی دو جلدیں الف ممدودہ و الف مقصورہ تک تیار ہو کر طبع ہوئی تھیں کہ انتقال ہوگیا۔

Hazrat Maulana Mufti Mehmood(ra) Ki Siyasi zindgi

سیاسی زندگی 

امت مسلمہ کے انحطاط کے اس زمانے میں حضرت مفتی صاحب نے جہاں تعلیم وتدریس،تصنیف وتالیف اوروعظ وارشادکی خدمات انجام دیںوہاں آپ نے سیاست کی خارداروادی میں اپنے دامن کوآرائشوں سے بچاتے ہوئے قدم رکھا اورمحرک کرداراداکیا،آپ ابتداء ہی میں جمیعت علماء اسلام سے وابستہ رہے حضرت مولاناعبداللہ درخواستی کی قیادت میں متحدہ جمہوری محاذکے پلیٹ فارم سے سرگرم عمل رہے ،پاکستان قومی اتحاد P,N,A)اوردیگرتمام اسلامی تحریکوں میں اپنے اکابرکے ساتھ بڑھ چڑھ کرحصہ لیا،مختلف عہدوں پرکام کرتے ہوئے صوبائی جنرل سیکرٹری سے لے کرمرکزی ڈپٹی سیکرٹری جنرل کے عہدوں پررہ کرشاندار کردار اداکیا۔

پاکستان میں شریعت بل کی جو تحریک چلی تھی اوربالآخر ""سینٹ""نے اس بل کومنظوربھی کرلیاتھااس تحریک میں مفتی صاحب صف اول کے قائدین میں سے تھے آپ نے شریعت بل کی تحریک کوتیزکرنے اوراس میں روح ڈالنے میں اساسی کردارکیالیکن شومئی قسمت کہ مسلم لیگ حکومت نے اس بل کوسبوتاژ کیا،یادرہے کہ یہ وہ بل تھاجس پرتمام مکاتب فکر کااتفاق ہوچکاتھااس بل کی اہم دفعہ یہ تھی کہ ملک کی تمام عدالتیں تمام فیصلوں میں شریعت کی پابندہوںگی،عام آدمی سے لیکر صدرتک تمام لوگ عدالت کے سامنے جواب دہ ہوںگے،اس بل کے لیے مختلف کانفرنسوں کے انعقاد کاسہرابھی مفتی صاحب کے سرہے۔

١٩٧٤ ء تحریک ختم نبوت میں مفتی صاحب نے مرکزمیں حضرت مولاناسیدمحمدیوسف بنوری اورضلعی سطح پرحضرت مولانامفتی حبیب اللہ کی زیرقیادت بھرپور حصہ لیا اورختم نبوت کی تحریک کوکامیاب کرنے کے لیے انتھک سعی اورجدوجہدکی،مگربالآخر سیاسی جمہوری تنظیموں سے مایوس ہوکرانقلابی تنظیموں کی سرپرستی شروع کی اورجمہوری سیاست کوخیربادکہا۔

چنانچہ ان تمام مصروفیات کے ساتھ ساتھ آپ ہمیشہ سے اہل حق کی جہادی تنظیموں کی عملی سرپرستی فرماتے رہے ہیں ،آپ کاتعلق مجاہدین سے ہمیشہ مربی ومحسن کارہا،١٩٨٨ ء میں علماء کرام کے ایک وفد کے ساتھ باقاعدہ افغانستان کے جہاد اول میں عملی حصہ لیا،جس میں دیگر حضرات کے علاوہ ،مولانازاہدالراشدی صاحب، مولاناعبدالرؤف فاروقی صاحب،مرزاغلام نبی جانباز مرحوم ،ڈاکٹرغلام محمداورمولانایحییٰ نارووال شامل تھے۔

ارشاد المفتیین

Alamat e Qayamat: Halal Ko Haram Samjha Jaye Ga

حرام کو حلال سمجھاجائے گا :

میری امت میں چند قومیں (ایسی پیدا) ہوں گی جو زنا کو اور ریشم پہننے کو اور شراب پینے کو اور باجوں کو حلال سمجھیں گی۔ لَيَكُونَنَّ مِنْ أُمَّتِي أَقْوَامٌ، يَسْتَحِلُّونَ الحر وَالحَرِيرَ، وَالخَمْرَ وَالمَعَازِفَ۔(بخاری:5590)لَيَكُونَنَّ فِي أُمَّتِي أَقْوَامٌ يَسْتَحِلُّونَ الْحَرِيرَ، وَالْخَمْرَ، وَالْمَعَازِفَ۔(السنن الصغیر:3353)

میری امت کے کچھ لوگ شراب پئیں گے اور اس کا نام بدل کر کچھ اور رکھ دیں گے ان کے سروں پر باجے بجائے جائیں گے اور گانے والی عورتیں گائیں گی اللہ تعالی انہیں زمین میں دھنسا دیں گے اور ان کی صورتیں مسخ کر کے بندر اور خنزیر بنا دیں گے۔۔لَيَشْرَبَنَّ نَاسٌ مِنْ أُمَّتِي الْخَمْرَ، يُسَمُّونَهَا بِغَيْرِ اسْمِهَا، يُعْزَفُ عَلَى رُءُوسِهِمْ بِالْمَعَازِفِ، وَالْمُغَنِّيَاتِ، يَخْسِفُ اللَّهُ بِهِمُ الْأَرْضَ، وَيَجْعَلُ مِنْهُمُ الْقِرَدَةَ وَالْخَنَازِيرَ۔(ابن ماجہ:4020)لَيَشْرَبَنَّ نَاسٌ مِنْ أُمَّتِي الْخَمْرَ يُسَمُّونَهَا بِغَيْرِ اسْمِهَا۔(ابوداؤد:3688)لَيَسْتَحِلَّنَّ طَائِفَةٌ مِنْ أُمَّتِي الْخَمْرَ بِاسْمٍ يُسَمُّونَهَا إِيَّاهُ۔(مسند احمد:22710)

ایک روایت میں آپﷺ کا یہ ارشاد منقول ہے :قریب ہے کہ میری امّت شرمگاہوں(زنا )اور ریشم کوحلال کرلے گی۔اَوْشك أَنْ تَسْتَحِلَّ أُمَّتِي فُرُوجَ النِّسَاءِ وَالْحَرِيرَ۔(کنز العمّال:13006)

قسم اُس ذات کی جس کے قبضہ میں میری جان ہے ، ایسا وقت ضرور آئےگا کہ میری امّت کے کچھ لوگ تکبّرو غرور کی حالت میں اتراتے ہوئے لہو لعب کے ساتھ رات گزاریں گے اورصبح کو بندروں اور خنزیر صورت میں مسخ کردیے جائیں گے (العیاذ باللہ)ایسا اِس لئے ہوگا کیونکہ وہ حرام کو حلال قرار دیتے ہوں گے،گانے والی عورتوں کو رکھتے ہوں گے ، شراب پیتے ، سود کھاتے اور ریشم پہنتے ہوں گے۔وَالَّذِي نَفسِي بِيَدِهِ ليبيتن أنَاس من أمتِي على أشر وبطر وَلعب وَلَهو فيُصْبِحُوا قرَدَةً وَخَنَازِيرَ بِاستِحْلَالِهِمِ الْمَحَارِمَ وَاتِّخَاذِهِمِ الْقَيْنَات وشربِهِم الْخمرَ وبأكْلِهِمِ الرِّبَا ولبْسِهِمِ الْحَرِير۔(الترغیب :2865)

مال میں حلال و حرام کا فرق ختم ہوجائے گا :

نبی کریمﷺ کا ارشاد ہے کہ لوگوں پر ایسا زمانہ آئے گا کہ انسان کو آنے والے مال کی کوئی پرواہ نہیں ہوگی کہ وہ حلا ل ہے یا حرام ۔يَأْتِي عَلَى النَّاسِ زَمَانٌ، لاَ يُبَالِي المَرْءُ مَا أَخَذَ مِنْهُ، أَمِنَ الحَلاَلِ أَمْ مِنَ الحَرَامِ۔(بخاری :2059)

تاریک فتنے اور قیامت

Homosexuality(ہم جنس پرستی)

ہم جنس پرستی :

مردو ں کا مردوں سے شہوت کا پورا کرنا ”لواطت“ اور عورتوں کا عورتوں سے ”سحاق“ کہلاتا ہے ۔قربِ قیامت میں احادیث کے مطابق اِس امّت میں یہ روگ عام ہوجائے گااور پھر اللہ تعالیٰ کی جانب سے ہلاکت کا فیصلہ آجائے گا۔

جب میری اُمّت پانچ چیزوں کو حلال سمجھ لے تو اُن کے اوپر ہلاکت آجائے گی :ایک دوسرے پر لعنت کرنے لگیں ، شرابیں پینے لگیں ، ریشم پہننے لگیں ،گانے والیاں رکھنے لگیں ، (شہوتوں کو پورا کرنے کے لئے )مرد مردوں پر اور عورتیں عورتوں پراکتفاء کرنے لگیں۔إِِذَا اسْتَحَلَّتْ أُمَّتِي خَمْسًا فَعَلَيْهِمُ الدَّمَارُ، إِِذَا ظَهَرَ التَّلَاعُنُ، وَشَرِبُوا الْخُمُورَ، وَلَبِسُوا الْحَرِيرَ، وَاتَّخِذُوا الْقِيَانَ، وَاكْتَفَى الرِّجَالُ بِالرِّجَالِ، وَالنِّسَاءُ بِالنِّسَاءِ۔(شعب الایمان:5086)(تحریم الفروج

نبی کریمﷺکا ارشاد ہے :دنیا ختم نہیں ہوگی یہاں تک کہ عورتیں عورتوں کے ذریعہ اور مرد مردوں کے ذریعہ (شہوتوں سے)مستغنی ہوجائیں گے ،اور ”سحاق“ عورتوں کے مابین زنا ہے ۔لا تذهب الدنيا حتى يستغني النساء بالنساء والرجال بالرجال والسحاق زنا النساء فيما بينهن۔(تاریخ دمشق لابن عساکر :10/119)(کنز العمال :38500)

حضرت واثلہ بن اسقع رضی اللہ عنہ مرفوعاً نقل فرماتے ہیں کہ عورتوں کا باہمی سحاق(شہوت پوری کرنا) زنا ہے ۔سِحَاقُ النِّسَاءِ زِنًا بَيْنَهُنَّ۔(شعب الایمان: 5082)نبی کریمﷺکا ارشاد ہے : جب مرد مرد کے پاس اور عورت عورت کے پاس (شہوت پوری کرنے لئے) آئے تو وہ دونوں زانی ہیں ۔إِذَا أَتَى الرَّجُلُ الرَّجُلَ فَهُمَا زَانِيَانِ، وَإِذَا أَتَتِ الْمَرْأَةُ الْمَرْأَةَ فَهُمَا زَانِيَانِ۔(شعب الایمان: 5075)

نبی کریمﷺکا ارشاد ہے : وہ شخص ملعون ملعون ملعون ہے جو قومِ لوط کا عمل (لواطت) کرے۔ مَلْعُونٌ مَلْعُونٌ مَلْعُونٌ مَنْ عَمِلَ عَمَلَ قَوْمِ لُوطٍ۔(شعب الایمان:5089) نبی کریمﷺ کا ارشاد ہے :قسم اُس ذات کی جس نے مجھے حق کے ساتھ مبعوث کیا ہے ، یہ دنیا ختم نہیں ہوگی یہاں تک کہ لوگوں میں دھنسنا،صورتوں کا مسخ ہونا اور پتھروں کی بارش کا ہونا پایا جائے گا، لوگوں نے کہا : یا رسول اللہ !میرے ماں باپ آپ پر فدا ہوں ایسا کب ہوگا ؟ آپﷺ نے ارشاد فرمایا:جب تم عورتوں کو دیکھو کہ وہ زینوں(سواریوں پر )سوار ہورہی ہیں ، گانے والیاں زیادہ ہوگئیں اور جھوٹی گواہی دی جانے لگے ، مسلمان مشرکین کے برتن یعنی سونے چاندی کے برتن میں پینے لگیں ، اور مرد مردوں کے ذریعہ اور عورتیں عورتوں کے ذریعہ (شہوت سے)مستغنی ہوجائیں ، تو بس اُس وقت تیار ہوجاؤ۔وَالَّذِي بَعَثَنِي بِالْحَقِّ، لَا تَنْقَضِي هَذِهِ الدُّنْيَا حَتَّى يَقَعَ بِهُمُ الْخَسْفُ وَالْمَسْخُ وَالْقَذْفُ، قَالُوا: وَمَتَى ذَلِكَ يَا نَبِيَّ اللَّهِ بِأَبِي أَنْتَ وَأُمِّي؟ قَالَ: «إِذَا رَأَيْتَ النِّسَاءَ قَدْ رَكِبْنَ السُّرُوجَ، وَكَثُرَتِ الْقَيْنَاتُ، وَشُهِدَ شَهَادَاتُ الزُّورِ، وَشَرِبَ الْمُسْلِمُونَ فِي آنِيَةِ أَهْلِ الشِّرْكِ الذَّهَبِ وَالْفِضَّةِ، وَاسْتَغْنَى الرِّجَالُ بِالرِّجَالِ، وَالنِّسَاءُ بِالنِّسَاءِ فَاسْتَدْفِرُوا وَاسْتَعِدُّوا۔(مستدرکِ حاکم:8349)

حضرت ابوہریرہ رضی اللہ عنہ فرماتے ہیں :قیامت قائم نہیں ہوگی یہاں تک کہ لوگ جانوروں کی طرح سے راستوں میں بدکاری کریں گے، مرد مردوں کے ذریعہ اور عورتیں عورتوں کے ذریعہ (شہوتوں سے )مستغنی ہوجائیں گے، اُس کے بعد اُنہوں نے سوال کیا کہ کیا تم جانتے ہوکہ ”تساحق“ کیا ہے ؟ لوگوں نے کہا : نہیں ، حضرت ابوہریرہ رضی اللہ عنہ  نے ارشاد فرمایا: یہ کہ عورت عورت پر سوار ہوجائے اور اُس کے ساتھ ”سحاق “ یعنی شہوت پوری کرے۔لَا تَقُومُ السَّاعَةُ حَتَّى يَتَسَافَدَ النَّاسُ فِي الطُّرُقِ كَمَا يَتَسَافَدُ الدَّوَابُّ، يَسْتَغْنِي الرِّجَالُ بِالرِّجَالِ، وَالنِّسَاءُ بِالنِّسَاءِ، أَتَدْرُونَ مَا التَّسَاحُقُ؟ قَالُوا: لَا، قَالَ: تَرْكَبُ الْمَرْأَةُ الْمَرْأَةَ ثُمَّ تَسْحَقُهَا۔(الفتن لنعیم :1794)

عرش ملسیانی )بل مکند) کا مختصر تعارف ، حالات زندگی Arsh Mlsyany A Famous Urdu Poetess

عرش ملسیانی (بل مکند)

عرش ملسیانی کا حقیقی نام بالمکندتھا۔ ان کی پیدائش۲۰ /ستمبر ۱۹۰۸ء کو قصبہ ملسیان ضلع جالندھر میں ہوئ تھی ۔ ان کے والد جوش ملسیانی بھی اردو کے جانے مانے شاعر تھے۔ یہ دہلی میں گورنمنٹ آف انڈیا کے رسالہ’’آج کل‘‘ کے ادارتی عملےہ میں شاخل ہوگئے تھے۔ ۱۹۵۵ء میں جوش ملیح آبادی کے پاکستان آجانے پر آپ ’’آج کل ‘‘ کے مدیر اعلی بن گئے تھے ۔ ۱۵/دسمبر ۱۹۷۹ء کو دہلی میں انتقال کرگئے تھے ۔ عرش کے دو مجموعات کلام’’ہفت رنگ‘‘ اور ’’چنگ و آہنگ‘‘ زیور طبع سے آراستہ ہوچکے ہیں۔

عبدالحمید عدم کا مختصر تعارف ، حالات زندگی Abdul Hameed Adam A Famous Urdu Poetess poetry, ghazal

 عبدالحمید عدم

عبدالحمید عدم پاکستان کے نامور شاعر ہیں جو رومانی غزلوں کی وجہ سے پہچانے جاتے ہیں۔

عبد الحمیدعدم 10 اپریل، 1910ء کو گوجرانوالہ کے ایک گاؤں تلونڈی موسیٰ میں پیدا ہوئے۔ ابتدائی تعلیم گھر پر حاصل کی ۔ اسلامیہ ہائی اسکول بھاٹی گیٹ لاہور سے میٹرک پاس کیا۔ پھر پرائیوٹ طور پر ایف اے کیا اور ملٹری اکاونٹس میں ملازم ہو گئے۔ 1939ء میں 10 سال ملازمت کرنے کے بعد عراق چلے گئے۔ وہاں جا کر عراقی لڑکی سے شادی کر لی۔ 1941ء میں ہندوستان آگئے۔ اور ایس اے ایس کا امتحان امتیازی پوزیشن میں پاس کیا۔ پھر ملٹری اکاونٹس میں ملازمت پر بحال ہوگئے۔ قیام پاکستان کے بعد آپ کا تبادلہ راولپنڈی کر دیا گیا آپ 1948ء میں ملٹری اکاونٹس میں ڈپٹی اسسٹنٹ کنٹرولر مقرر ہوئے۔ اور اپریل، 1966ء میں اس عہدے سے ریٹائر ہوئے۔ ریٹائرمنٹ کے بعد یعسوب کو اپنا اوڑھنا بچھونا بنا لیا۔ عدم نے اپنی شاعری کا آغاز ان دونوں کیا تھا جب اردو شاعری کے آسمان پر اختر شیرانی ، جوش ملیح آبادی اور حفیظ جالندھری جیسے روشن ستارے جگمگا رہے تھے۔ عدم نے بھی ان کی راہ پر چلتے ہوئے صرف رومانی شاعری کی اور بے حد مقبول ہوئے۔ اردو زبان کے اس رومانی شاعر نے10 مارچ1981ء میں وفات پائی ۔ اور قبرستان ڈرائی پورٹ مغل پورہ کے صدر دروازے کے پاس دفن ہوئے۔

جہاں ہم ہیں وہاں ربط و کشش سے کام چلتا ہے

سمجھنے اور سمجھانے کی گنجائش بہت کم ہے

محبت ہو گئی ہے زندگی سے اتنی بے پایاں

کہ اب گھبرا کے مر جانے کی گنجائش بہت کم ہے

گل و غنچہ کو ہے ان سے عقیدت اس لئے گہری

تیری زلفوں میں مرجھانے کی گنجائش بہت کم ہے

زمانہ ہنستا ہے ہم بے نوا فقیروں پر

یہ غفلتیں تو مناسب نہیں غریب نواز

وہ زلف ویسے تو آتش ہے اے عدم یکسر

مگر اثر کی رعایت سے ہے نسیم حجاز

اے زیست کی تلخی کے شاکی صرف ایک نصیحت ہے میری

آنکھوں کی شرابیں پیتا جا زلفوں کی پناہیں لیتا جا

اے موسم گل جاتا ہے اگر پھر اتنا تکلف کیامعنی

غنچوں کے گریباں لیتا جا پھولوں کی کلاہیں لیتا جا

ہنس کے آپ جھوٹ بولتے ہیں

دل میں کتنی مٹھاس گھولتے ہیں

دنیا کتنی حسین لگتی ہے

آپ جب مسکرا کر بولتے ہیں

اسی موضوع پر عدم نے مزید طبع آزمائی کی ہے:

یہ سمجھ کے سچ جانا ہم نے تیری باتوں کو

 اتنے خوب صورت لب جھوٹ کیسے بولیں گے